عاتبوها

بعد ماقابلتني عاتبوها,,
على شوف الحبايب حاسبوها..
خذوها وأبعدوها غصب عني,,
وعن وجهة طريقي جنبوها..
وشالوها عن عيوني غصيبه,,
عواذل وغصبوني وغصبوها..
خذوهامن يديني شوف عيني,,
وعن عيني تعدوا وحجبوها..
كلام وصدقوا بالبنت كذبه,,
وهم اللي منول كذبوها..
وهم وش دخلهم في مال بيي؟
لأبوها والخلايق طالبوها..
وفيه ماتخون ولاتعاند,,
جسوره والمواعيد أرعبوها..
ملاك كامله والكامل الله,,
ولكن العواذل عذربوها..
وهي كل مادعتني تشتكيلي,,
عن اللي سالفتنا سربوها..
تخاف,,وتلتفت مع كل كلمه,,
تظن إن العواذل راقبوها..
تلفت من عقب ماهي جريئه,,
شجاعه ماتهاب,, وهيبوها..
وأهديها وأنا حاير وثاير,,
مصيبه ياعذاب عذبوها..
وهم كل ماخذوهاعن طريقي,,
تراهم صوب قلبي قربوها..
وأنا ماتعبت قلبي خيانه,,
خيانه رتبوها وحسبوها..
ولايعجز خفوقي لايقابل,,
جفا من حاربوه وحاربوها..
وأنا لي عزة تفرض عليه,,
أخاطب بالجفا من خاطبوها..
وأكسر لوحة الماضي وأزيله,,
وأخربها مثل ماخربوها..
وأذوقهم ندم ماصار فيها,,
وأشربهم من اللي شربوها..
وأدلعها,,وأولعها بنفسي,,
وأشرقها بعد ماغربوها..
وأعوضها عن اللي راح كله,,
وعن ذيك الليالي كل‎‏ أبوها..
غلاها بالحشا لازال ثاابت,,
ولو حتى بغيري حببوها..
وغلاي بقلبها مر وتعدى,,
غلاها لأمها وإلا لأبوها..