والله وصرتي تستهينين فيني

والله وصرتي تستهينين فيني
وانا الذي سويت لك قدر بيدي
تدرين وش كنتي قبل تعرفيني
ان قلت لك: كنتي ولا حاجة.. شوي!
اانا الذي فرشت لك رمش عيني
وعملت منك شي وانتي ولا شي
جيت اعشقك ما جيت لك تحقريني
جيت اسكنك بسمة ما هو با اسكنك غي
ما دمت عاملك قدر.. قدريني
ترى الكرامة صفحة ما لها طي
ان كان ما جيتي غلا.. لا تجيني
نار الفراق ارحم من الذل بالفي
والله لا اهجرك قبل لاتهجريني
اجل تبيعني.. واجي لك برجلي؟
يا تتركين الكبر يا تتركيني
لان المحبة شي.. والمهزلة شي
لاصارت الدعوة غلاي وحنيني
يمكن يزول الحقد ويشعشع الضي
لكن حكاية ينحني لك جبيني
في ذمتي ما ينحني لك وانا حي

بقلم محمد الفار

صاحب مدونة بعثرة كلمات .. اردني الجنسية فلسطيني الأصل .. يهتم بالأشعار والكمبيوتر والبرامج والتصميم

التصنيف : حامد زيد